o靚模,o靚毛,o靚舞

近日公司縮減人手,以前有o靚幫忙處理paper work,而家要自己做返,實在有d手忙腳亂!上星期booking突增,我一時忙中有錯,其中一張俾同行嘅發票有d typing mistakes,而我星期五又忙到根本冇時間改,而星期六又短週,點知個同行嗰位做文件嘅o靚妹,搵我唔到居然發晒茅咁send email去我公司,仲要俾晒全世界睇,好似收數公司追債咁,要勞動到我老頂出手!事後個o靚妹阿頂亦知玩大咗,亦主動向我道歉!我原本想破口大鬧一餐,諗落又無謂教人做上司之餘,更無謂幫人教o靚!

近日個"o靚"字氾濫成災,返工遇到不識大體嘅黃毛吖頭,我叫之"o靚毛"!打開報紙又日日都見到班身高唔達標準模特兒嘅o靚模著住n吋高踭鞋蘇胸露奶都未夠,仲要派埋紙包奶!今日報紙仲騎呢,有位所謂舞皇嘅陳生,(我覺得叫o靚舞貼切d!)護o靚模女友心切,不顧大體地手指指串人!

或者呢條o靚舞間公司財雄勢大,有官方娛樂雜誌幫手造勢,話咩佢係香港舞皇!而呢個智商有限嘅o靚舞,可能將自己公司旗下雜誌所有吹噓描寫信以為真,導致急速自我膨脹,(見下圖!)再借mj離世數度乘機抽水博見報都未夠,仲眼高手低地整首mj(見以下驚嚇視頻)發死人財!咁都未夠,當專業模特兒出身嘅吳彥祖批評o靚模唔夠高行catwalk時,記者問o靚模之一嘅angelababy又如何,阿陳o靚舞立即手指指面黑黑地話"高過你"(見下視頻及圖)!嘩mk仔上身呀!或者陳生去旺角行人專用區拉個易拉架去攔途截劫路人裝寬頻,比做歌星更神似適合!



mj試聽視頻




全文及視頻請閱:
http://hk.apple.nextmedia.com/template/apple/art_main.php?iss_id=20090727&sec_id=462&subsec_id=830&art_id=13030643