北極有企鵝?

前文"我的8964",中提到有人為眼前利益可以掩蓋良心,香港某大保皇政黨當然係佼佼者!不過又好難怪她們,因為香港的政黨都是只要申請一張商業登記就可開壇,不為利益幹麼?不過有請她們以後發表硬膠言論的同時,請惡補一下常識,以免香港新一代受到"天安門沒有流過一滴血"洗腦,try our best 讀成 try our breast的同時,還要誤以為北極原來有企鵝!

【明報專訊】上年民建聯陳克勤一句「try our breast」令佢一夜成名，噚日民建聯副主席張國鈞又「揚威」網上。本身係律師嘅張國鈞，噚日喺港台
節目《左右紅藍綠》上，講咗一句「一直以來，北極都係一個非常寧靜，人少企鵝多嘅地方」，其實好多人都知道，企鵝只喺南極出現，但係張國鈞就話
北極係企鵝多嘅地方」，有網民即時將段片上載YouTube同大家分享，改咗個標題係「民建聯成功爭取北極有企鵝」，認真搞笑。


港台節目「爆肚」出錯

其實好多人都知道，企鵝只喺南極出現，但係張國鈞就話北極係企鵝多嘅地方，Emily打電話畀張國鈞了解事件，佢都知自己講錯，但解釋話佢原本
想講環保議題，希望由北極帶起，自己臨時「爆肚」，隨口噏幾句介紹北極，點知衰咗。

網民揶揄搞「北極企鵝觀賞團」

條片出街發，網民反應迅速，好快Facebook已經有個新group﹕「青年民建聯主席張國鈞話北極有好多企鵝 ! 促請民建聯舉辦『北極企鵝觀賞團』
由佢擔任團長 陳克勤帶領搓企鵝胸！」

港台都算好幫忙，Emily噚晚再上港台網站重溫片段時，「企鵝多」嘅字幕已被刪走，張國鈞講嘅時候，呢3個字就無咗聲，但係明明佢個嘴郁郁吓，
但就無聲幾秒，都幾突兀。雖然張國鈞講錯嘢，但都好有阿Q精神，佢同Emily講，過往呢類節目都無乜人留意，如果今次失誤可以令人留意到環境
保護，咁都算因禍得福。