膠聞一則之屋內踩狗屎

前文提及過成日呻冇仔溝嘅"四姨太",到有人溝嗰時雖然一副姣擒樣,不過唔知點解又要發姣但又怕痛,令到事件最終泡湯!呢單野俾我同SUN SUN, 瑪姬等人狂小,我更大膽狠批四姨太來年都冇運行,狠之程度比蘇民峰麥玲玲批乜批物更狠,正所謂"有仔唔食,罪大惡極!吖嘛"

有人出街踩狗屎,出街頭頂中雀屎!不過喺屋入面踩狗屎嘅,四姨太簡直開創先河!

事緣週日於瑪姬於柏麗灣家中竹戰,瑪姬其中一隻狗仔唔知點解千揀萬唔揀,揀喺四姨太腳邊大便!忙於打牌嘅四姨太不但唔為意,一野踩落去之餘,仲以為喺狗仔玩具!最後,梗係又俾成班人狂笑,C1頭條 + 封面女郎非佢莫屬啦!

在此奉勸單身嘅大家一句(包括我自己),有人溝而自己又覺得唔太差嘅話,唔好咁多要求喇,就算冇得發展,做過朋友,又或者有過一刻歡愉都好過冇吖!正所屬你揀人,人揀你.否則,"奄尖聲悶,老來無伴"!大家都咪話唔驚!