舊BLOG文章分享: 4個32A (寫於5-5-2008)

最近重溫咗一套舊戲,名叫"4個32A和1個香蕉少年"!
呢部戲上映時,我冇記錯係1996年,當時小弟正於中學時代,戲中描述各人物於少年時代所對成長之好奇同期待,令當年正處於青春期既我睇後會心微笑!
10多年後今日既我,身邊既人同事都經過咗翻天覆地既變遷,歲月於我走過之人生中,留下種種不能磨滅之痕跡!而歲月所前進之速度,原本比自己想像中快得驚人!當日同同學幾個柴娃娃入戲院睇呢套戲既情況,我依然清晰記得,仲好似只係幾個月前既事!
今日我再睇返呢奪戲,實在"百般滋味在心頭"!戲中李麗珍有一句說話:原來長唔長大,咁唔係自己可以控制,環境既改變,自己就冇權再當自己係細路仔......".我聽完呢句說話之後,一向眼淺既我立即兩眼通紅且鼻酸酸......心裡同時責備自己,原來自己思想成熟程度追唔上走過既光陰,感情生活更係"糟透",好似揸車只顧望住倒後鏡,嚴重影響前進速度!
唉,心裡突然響起一句歌詞: 情場流浪過,為何仍未開花結果......
其實我唔係放唔低過去既事(包括感情),但我真係又覺得,一個人比較念舊又冇錯啫,係我感情用事嗎......
中學時代所聽既CD,已被今日MP3所取代!中學年代所食既街頭小販,已被小店所取代!時至今日,我依然喜歡坐渡海小輪穿梭九龍與港島,可是,現代都市又實在容不下她的慢......
新事物取締舊事物的同時,我往往懷念舊既東西......
噢,朋友們,其實我做人處事係咪有問題呢,點解我既感情仲未有著落?!