舊BLOG文章分享: 粉仔粥 (寫於17-9-2007)

前幾日瑪姬同我提起"粉仔粥"呢樣已絕跡多年既食物,我終於搵到知音人喇,因我多次同朋友提起,都冇人食過,甚至冇人聽過!
其實呢樣野食既味道唔係好特別,不過口感好得意!
其實,我地成人之後,往往會懷念細個成日食既食物,或者佢地唔係d咩"山珍",味道又唔係特別,但我地懷念既,唔單止係味道,仲會係食既地方風味,又或者係當時既人同事!
所以,每當我見到用膠袋裝既"叮叮糖",用膠碗裝既"砵仔糕",心中好"不是味兒"!
呀......唔知又有冇人記得"大菜糕蛋","擔挑賣既臭豆腐","上樓賣既白糖糕,香蕉糕"......